دا بوست لكل الناس البتسال عن الروتيشن في قطر حاولت اغطي فيهو كل النقاط المهمة عن الروتيشن وبالاخص ال Internal Medicine

السلام عليكم
دا بوست لكل الناس البتسال عن الروتيشن في قطر حاولت اغطي فيهو كل النقاط المهمة عن الروتيشن وبالاخص ال internal medicine في مؤسسة حمد الطبية
الروتيشن حق المديسين معتمد من الهيئة الامريكية لاعتماد برامج التدريب الطبي ACGME-I
مدة الروتيشن اربعة سنوات بتبدا من شهر يوليو كل سنة و بتنتهي بانك تاخد ACGME-I acredited arab board
الدخول للروتيشن :
بالنسبة للدخول للروتيشن في شروط اساسية وشروط ثانوية ،، الشروط الاساسية انو يكون عندك الاتي ( شهادة جامعة ، شهادة امتياز ، امتحان كلينكال ، امتحان لغة ) اي ابلكيشن ما بتضمن الشروط الاساسية بيتم استبعادو من البداية بدون دخولو لجنة الاختيار ، امتحان الكلينيكال اما استب تو او ايفوم cse او امتحان MCCEE وMCCQE part A ,,,,,, وامتحان اللغة اما توفل او ايلتس ،،،
الشروط الثانوية :
(١) انك تكون خلال ٤ سنوات من التخرج
(٢) تكون عندك امتحانات تانية زي استب ون وايفوم bse ،، او امتحانات mrcp ،، او استب تو cs ،، الحاجات دي بتزيد الفرصة لكن هي ما شروط اساسية للقبول.
(٣) يكون عندك كورسات زي bls او ALS او ACLS او ECG او EMERGENCY او ICU او اي حاجة كلينكال تانية .
(٤) انو يكون عندك خبرة عملية بالذات لو في بقت الباطنية وعندك توصيات من اطباء كبار ومعروفين
(٥) خبرة في البحث
(٦) شهادات حقت ماستر او دكتوراه او اي درجة علمية تانية

الاختيار :
بالنسبة للاختيار طبعا عملية معقدة وماف زول عارف عنها كيف بتتم بالضبط لكن في حاجات متفقين عليها معظم الاطباء الاستشارين والاطباء الاختاروهم قبل كدا .
بتم تقسيم الابلكيشن لقسمين ،،، الناس المقيمين والناس غير المقيمين overseas
بالنسبة للمقيمين الاشتغلوا الامتياز في حمد بتكون فرصتهم اكبر شوية و دا شي طبيعي لانو كل دولة بتدي الاولوية لرعاياها ،، ولانهم اصلا بيكونوا معروفين لدى الاستاف وعندهم LOR من اطباء معروفين في المؤسسة ،، لكن برضو ما بيتم اختيارهم مالم يجتازوا كل الشروط الموضوعة للاختيار
بالنسبة لغير المقيمين ( overseas ) في حاجات ملحوظة عن الاختيار ،، انهم بفضلوا في الاختيار الناس العندهم خبرة سنة او سنتين على عكس البرامج التانية مثلا في امريكا بفضلو ال fresh ،،، وطبعا الاولوية للاسكور الاعلى في الكلينيكال لكن امتحان اللغة بس المهم تجيب المطلوب بس ،،
بالنسبة للمقارنة بين استب تو وايفوم فكل واحد ايجابياتو وسلبياتو :
- مثلا الايفوم ايجابياتو انو بيحتاج فترة تحضير اقل وزمن الامتحان اقل ٤ ساعات و اهم شي انك ممكن تمتحنو اكتر من مرة بالاضافة لانو الامتحان ارخص بكتير من استب تو امكن حوالي ٣٠٠ دولار لكن عيوبو برضو كتيرة انو بجي في فترتين بس في السنة وانو ما بفتح ليك ابواب تانية انو ممكن تقدم بيها لتحضير في امريكا مثلا بالاضافة لانو عدد المحاولات محسوب عليك لانو في الابلكيشن فورم بسالوك امتحنت كم مرة ،،
- استب تو مميزاتو انو امتحان عالمي ومتوفر على طول السنة وبفتح ليك ابواب التحضير في امريكا ،، لكن بحتاج تحضير اطول بالاضافة لانو اغلى اكتر الف دولار وما تقدر تعيد الامتحان او تزيد اسكورك الا لو سقطت
اما بالنسبة للمقارنة بين التوفل والايلتس ،، المطلوب 7 من 9 في ايلتس او 87 من 120 في توفل ،،، معظم الناس متفقة انو ال 87 في التوفل قد تكون اسهل من 7 في ايلتس لكن برضو امتحان توفل قد يكون مكلف اكتر بالذات للناس الموجودة في السودان ومحتاجة تسافر بالاضافة لانو توفل محتاج مهارات اكتر زي سرعة الطباعة مثلا في توفل ibt ودي حاجات ممكن تاثر على درجتك

فترة التقديم :
غالبا بتبدا من شهر 8 بتستمر لحدي شهر 11 وبتم التقديم عن طريق التقديم الكتروني

المعاينات :
بعد يتم النظر لكل الملفات بتتم عملية المعاينات عن طريقتين اما معاينة عينة او معاينة بالتلفون ودي حاليا بقت الاكتر استخداما بالذات لي ناس ال overseas .. وهي افضل لانو في المعاينة العينية انت بتتحمل مصاريف السفر والاقامة.
فترة المعاينات غالبا بتبدا من شهر 12 وبتستمر لحدي شهر 2

الاختيار :
يتم اختيار حوالي ٥٠ رزدنت كل سنة ،،، و بتم تقسيم الناس الاختاروهم لقسمين ،،، ناس selected وناس waiting
ببدوا برسلوا للناس الاختاروهم في اثناء فترة المعاينات وفي حال تخلف اي واحد من المختارين بتم تبديلو بي واحد من ال waiting list

فترة العمل :
تبدا فترة العمل غالبا من شهر 7 كل الناس بتنزل ،، الرواتب فيها بتتراوح ما بين 4 الى 6 الف دولار حسب حالتك الاجتماعية وحسب انت عايز سكن المستشفى ولا لا ،،،
في اثناء فترة العمل في امتحانات لازم تمتحنها زي امتحان arab board الجزو الاول بالاضافة للامتحان السنوي اللي هو in service وهو امتحان عالمي بمتحنوهو كل الرزدنت حول العالم في اي برنامج ACGME-I acredi

منقول ..